Kurs s probovanjem: Kysljena zelenina, ČESKÝ TĚŠÍN - CIESZYN 26.5.2026
Termín:
26.5. 2026 od 18 do 20 hodin
Vstup do sálu je možný od 17:40
Nevyhovuje vám termín?
Místo konání:
Kulturní a společenské středisko "Střelnice"
Střelniční 256/1
737 01 Český Těšín
zobrazit mapu
Učitel:
Jan Kysela, tym kursom podčas 10 lět jesm naučil vyše 12 000 učestnikov kako dobro kysliti zeleninu. Na 80ti městah v ČR a SR. Jesm ko-avtor knigy o kysljenju zeleniny na češskom, po novom i na medžuslovjanskom jezyku.
Kvašená zelenina na 1008 způsobů.
So seboju:
Potrěby na pisanje, možno spis pytanji.
Čto se na kursu budete učiti?
Glavnym cěljem kursu jest naučiti se kak mlěčno fermentovati razne plody na mnogo sposobov. My to nazyvamo prosto kysljenja.
Na kursu budemo ukazyvati kak kysliti vo vlastnom soku, vo vodnyh sokah, s pomočju različnyh podlivok, ale i s ovočami, dikymi rastlinami i bylinami i japonskymi specialnostami kako jest miso, ume ocet ili šoju sok.
Na kursu bude samorazumno degustacija i budemo poprobovati odgovarjati na vaše pytanja.
Cěly kurs bude na medžuslovjanskom jezyku, ktory jest razumlivy priblizno vsim slovjansko-govorečim ljudam bez učenja. To jest jezyk ktorym jest pisany tutoj tekst. To znači, na tutom kursu vy budete učiti se kako kysliti i takože vy budete učiti se razuměti medžuslovjanskomu.
Kake sut komponenty kursa?
- Trening kysljenja, ktory bude formoju ukazanje kysljenja od učitelja s pomočju video prezentacije, budete viděti vse detalje.
- Degustacija različnyh kysljenyh plodov (tipično 8 tipov).
- Pytanja, diskusija - budemo poprobovati odgovarjati na vaše pytanja.
- Podpor na emailu - možete se pytati emailom (poljska@kyselove.cz), minimalno 30 dnjev od kursa.
- Možlivost kupiti knigu o kysljenje s receptami.
Sama kapusta jest možliva kysliti na 100 sposobov
Napriklad do kysljenoj kapusty možemo dodati kmin, kopr, jalovec (lat. juniperus), česnok, ale takože redkovky, brusnicu, jabloka ili cveklu, mrkvu, papriku, šipku (owoc z dzikiej róży), karfiol, ...
Kimči to ne jest prosto jedin recept
V Koreji každa rodina kysli kimči inače. To znači, že egzistuje okolo 1000 receptov. Uvažamo, že imajemo jedin iz najlěpših. My budemo kimči gotoviti s mukoju i črvenoju paprikoju. Tuta metoda stvori velmi silno, polno apetitno kimči. Na kursu bude tuto kimči samorazumno k degustaciji.
Vodne soky, lagodne, silne i kolorovane
Kysljenje vo vodnyh sokah razvijaje našu fantaziju. Vodne soky, to sut na napriklad kysle ogurky, karfiol, bulgarsky mix pikantny s paprikami, japonske soky s ume octom i šoju sokom. Dalje apetitnu specialnost papriky polnjenje kysloju kapustoju. Na kursu bude i mnogo kolorovanych sokov, ktore sut tož ozdoba do vašej kuhnje i mogut byti milom darom.
Bystro kysliti znala daže naša babka
Bystro kysljena salata od mojej babky byla vyše prosta ale vyše vkusna, apetitna! Jutrom, babka je krojila ogurky na koleska, dodala solj i položila na nje talirku. V poldenj iměli jesmo smacznu, vkusnu, apetitnu salatu!
Budemo kysliti ako perun! Tako že bystro, kratko časovo. Budete uměti fermentovati za 3 min, 3 časiny, 3 dni, 3 měsece i 3 gody. Naučite se upotrěbjati japonske specialnosti ako miso i UME specialnosti.
Fermentacija s misom, ovočem i daljšimi rastlinami
Kogda bude na kursu dostatok časa, budemo govoriti takože o nemnogo znajemyh tipov fermentacije ako jest fermentacija v miso pastě, s ovočem (ume boši), česnok so solju, česnok v šoju, ...
Kto jest učitelj kursa?
Suprugi (małżonkowie) Kateřina a Jan Kyselovi uči se kako kysliti uže vyše 15 rokov. Oni a kysljenje jest nerazlučna dvojka takože dekujuči jih prězime (nazwysku) :) Kateřina a Jan neustalo tvoret nove recepty i ulěpšajut procedury. Napisali uspěšnu knigu o kysljenju na češskom jezyku i několiko razov oni sut byli s kysljenjim v Češskoj televizii.
Cěny
Platiti se bude na městu kursa. Jestli vy ne budete zadovoliti, ne jest trěba platiti.
- Cěna kursa jest 80 Zł
- Cěna knigy jest 60 Zł
Registracija
Registracija jest možliva na emailu: rodina@kyselove.cz
Medžuslovjansky jezyk
Cěly kurs bude na medžuslovjanskom jezyku, ktory jest razumlivy priblizno vsim slovjansko-govorečim ljudam bez učenja. To jest jezyk ktorym jest pisany tož tutoj tekst. To znači, na tutom kursu vy budete učiti se kako kysliti i takože vy budete učiti se razuměti.
Velika hvala Michalu Swatovi za popravjanje tekstov i za celoju jego rabotu dlja medžuslovjanskogo jezyka.
Jestli vy hočete se učiti medžuslovjansky, možete slědovati jego YouTube kanal, eventualno možete projdti linky na Interslavic LinkTree.
Nehaj medžuslovjanska i fermentacijna sila je s vami!